Աշնան տաք օրերին սովորողները շարունակելու են լողալ Արևելյան դպրոցի բացօթյա լողավազաններում, ինչպես ամռան ջերմ օրերին: Սովորողների հետ հաղթահարելու ենք ջրի հանդեպ ունեցած վախը, չփչփացնելու ու խաղալու ենք ջրում, աստիճանաբար ձեռք բերելով լողալու հմտություններ:
Լողուսուցումը դիտարկվում է որպես մարմնակրթության բաղկացուցիչ: Այն բացի լողալու հիմնական հմտություններ զարգացնելուց, մարմինը կոփելուց, հոգնածությունն ու լարվածությունը թոթափելուց զատ, սովորողներին օգնում է ձեռք բերել մի շարք կարևոր հմտություններ: Լողին նախապատրաստվելը դիտարկվում է որպես ինքնուրույնության ու ինքնասպասարկման կարևոր հմտությունների ձեռք բերման հարթակ, որտեղ սովորում են պահպանել անձնական հիգիենայի կանոնները:
Ընթացքը՝
- Նախապատրաստում, որն իր մեջ ներառում է նախավարժանքն ու ցնցուղի ընդունումը
- Լողը
- Լողափին գտնվելն ու ինքնասպասարկումը
- Լողափնյա խաղեր խաղալ
- Լողափնյա ընթերցումներ իրականացնել
Դասվարի բլոգ 