Իրականացման տևողությունը՝ սեպտեմբերի 1-20-ը: Նախագիծն իրականացվում է 1-3-րդ դասարաններում՝ յուրաքանչյուր տարի ունենալով իր զարգացումը:
Միջավայրը՝ դասարան լաբորատորիա, բակ-պարտեզ, ընտանեկան դպրոցներ
Մասնակիցներ՝ երրորդ դասարանի սովորողներ, ընտանեկան դպրոցներ
Նպատակը՝
Նպաստել սովորողների ինքնաճանաչման, ներանձնային հարաբերությունների զարգացմանը
Զարգացնել սովորող-սովորողներ, սովորող-դասավանդող փոխհարաբերությունները
Զարգացնել սովորողի մոտ ինքնուրույն արտահայտվելու ,սեփական կարծիքն հիմնավորելու հմտությունները
Սովորողների ընտանիքներին մասնակից դարձնել և ներգրավել ուսումնական գործունեությանը
Խնդիրները
- բանավոր խոսքի զարգացում (հաղորդակցում, ինքնաարտահայտում, լեզվական ճիշտ և գրագետ միջավայրի ստեղծում)
- ներկայանալու և ներկայացնելու կարողության ձևավորում
- անհրաժեշտ տեղեկություն ձեռք բերելու հմտությունների ձևավորում ու զարգացում
- հարցեր տալու ու հարցազրույց վարելու (հարց ու պատասխան, թեմայի առաջքաշում, դիմացինի հետ հաղորդակցվելու ճիշտ կարողություն) հմտությունների ձևավորում ու զարգացում
- պատմելու, վերապատմելու կարողության զարգացում
- ստեղծագործական երևակայության զարգացում
- մեդիահմտությունների ձևավորում
- անձնական հիգիենա
Տևողությունը՝ սեպտեմբեր
Լեզվագործունեություն
Պատումներ, զրույց-քննարկումներ,ռադիոնյութերի պատրաստում, ստեղծագործական աշխատանք՝
- Իմ մեդիաանձնագիրը
- Բարև, ես եմ
- Իմ դիմանկարը կամ նկարում եմ ինձ
- Ես նման եմ…
- Ես ուրախանում եմ, երբ…
- Ես տխրում եմ, երբ…
- Երբ ես երազում եմ
- Իմ սիրելի զբաղմունքը
- Իմ ընտանիքը
- Ինչի մասին եմ սիրում մտածել
Միջավայրը՝
Դասասենյակ, բակ-պարտեզ, մարմնամարզական դահլիճ, տուն (ընտանիք), մեդիատիրույթ (սովորողի բլոգ, դասարանական բլոգ, ենթակայք, կայք):
Անհրաժեշտ գործիքները՝
Անհատական նեթբուք-նոթբուք, ձայնագրիչ, տեսախցիկ, համակարգչային ծրագրեր (Paint, Power Point, Movie Maker կամ այլ մոնտաժային ծրագիր), թղթեր (գունավոր, տարբեր հաստության ու չափի), գուաշ, ջրաներկ, վրձին, կավ, պլաստիլին, այլ (կտորներ, կոճակներ, ժապավեններ…):
Ուսումնական ռեսուրսները՝
- Հովհաննես Թումանյան «Թռչունի մտածմունքը», «Ամենից լավ տունը»
- Անունների ծագման պատություն (հանրագիտարան, որոնողական կայքեր)
- Սովորողների ինքնապատումներ
Արդյունքը՝
Աշխատանքները կարող են ներկայացնել պատումի, ձայնագրության, շնորհանդեսի (պրեզենտացիայի), տեսաֆիլմի տեսքով: Բոլոր աշխատանքները հրապարակվում են սովորողների բլոգներում: