2023
Մասնակիցներ՝ երրորդ դասարանի սովորողներ, ծնողներ
Վայրը՝ Արևելյան դպրոցի խոհանոց-լաբորատորիա
Իրականացման ժամանակը ՝ նոյեմբեր
Նպատակը— սովորողների մոտ զարգացնել հետազոտական , ճանաչողական գործունեության,ինքնակրթության ,տեղեկություն գտնելու հմտություններն ու կարողություններըԽնդիրներ և նպատակներ
Ընդլայնել սովորողների գիտելիքները բանջարեղենի մասին,օգտակար սննդամթերքի նշանակության մասին,դաստիարակել առողջ ապրելակերպի համար բանջարեղենի ճիշտ ընտրության կարողություններ,միավորել դասավանդողին ,ծնողին ,սովորողին ընդհանուր ստեղծագործական աշխատանքի ,գործունեության մեջ:
Նախագծի թեման — թթվի ծես, թթու դնել ,թթվի մասին
Թեմային վերաբերող հարցեր
Սովորողների հետ միասին քննարկում ենք հետևյալը.
Ինչու՞ ենք թթու դնում:
Ի՞նչ է թթուն, փորձի՛ր բացատրել թթու բառը:
Այն առողջարար է , թե՞ ոչ :
Ինչու՞ ենք թթուն դնում աշնանը :
Ի՞նչ բանջարեղեն կարելի է օգտագործել թթվի մեջ:
Ո՞ր բանջարեղենն ի՞նչ վիտամիններ ունի:
Կարելի՞ է անընդհատ ուտել մի տեսակի բանջարեղեն, իսկ մյուս տեսակները ‘ ոչ:
Մեր միջավայրի բանջարեղենները
Նախագծի գործունեության ընթացքը ‘ ծեսի կազմակերպման ընթացքը
Սովորողներից յուրաքանչյուրն իր ամենասիրելի բանջարեղենի համար տեղեկատվական փաթեթ է պատրաստում :Քանի որ դասարանում կա համացանց,սովորողները անհատական նեթբուքերով համացանցից տեղեկանում են ,թե օրինակ կաղամբը կամ գազարը տարվա որ եղանակին են աճում ,նրանց օգտակար հատկությունները, նրանց հայրենիքը , ինչպես պետք է պահել դրանք տնային պայմաներում:
Թթուդրիկի ծեսը սկսվում է նրանից, որ սովորողները կազմում են թթվի պարագաների ցուցակ՝ գնումներ կատարելու համար: Դասավանդողը յուրաքանչյուր սովորողին հատուկ դեր է տալիս . երեխաներից մեկը գումարն է հավաքում, մյուս երկուսը հաշվարկն են անում , մի ուրիշն էլ ցուցակն է մուտքագրում, տվյալները ներկելով որևէ գույնով / գործունեության ընթացքում սովորողն անընդհատ օգտագործում է Word ծրագրի գործիքները / :Դրանից հետո երեխաները գնում են խանութ,որտեղ գնումներն անմիջապես իրենք են կատարում,ընտրում թթվի համար անհրաժեշտ պարագաներ :
Սովորողները նախապես հաշվում են, թե որքան գումար է անհրաժեշտ համապատասխան քանակի բանջարեղեն գնելու համար:Գնումներ կատարելուց հետո ևս հաշվում են, թե որքան դրամ ծախսեցին գնումների համար և համեմատում նախնական հաշվարկի հետ:Շատ կարևոր է նաև , որ սովորողներն ինքնուրույն իրականացնեն թթուդրիկի ամբողջ գործունեությունը /ծնողների և ուսուցչի մասնակցությամբ և ուղղորդմամբ / լվանան բանջարեղենը, մաքրեն կանաչին, կեղևազերծեն սխտորը և այլն: Նրանք ինքնուրույն էլ տեղավորում են ամբողջը տարրաների մեջ:
Ծնողական համայնքը ակտիվորեն և մեծ սիրով մասնակցում է թթուդրիկի ծեսին: Ծնողներից ամենափորձառուները կամ տատիկները պատմում և ցույց են տալիս , թե ինչպես պետք է թթուն ճիշտ դնել, դասվորել տարրաների մեջ , պահպանելով հաջորդականությունը:Ծեսին պատրաստվելու կարևոր գործոններից է նաև հագուստը: Այդ օրը սովորողներտը պետք է ներկա լինեն գոգոնոցներով ,խոհարարական գլխարկներով,հանդես գան որպես փոքրիկ խոհարարներ :Հետո սովորողները ,քանի որ տիրապետում են համացանցից օգտվելու կարողություններին,համացանցից ինքնուրույն տեղեկություններ են հավաքում այն մասին, թե ինչո՞ւ են թթուն դնում աղաջրի մեջ: Տեղեկանում և սովորում են,թե թթու դնելու ժամանակ ինչպե՞ս մշակել բանջարեղենը, բանջարեղենի վրա ծակոտկեներ անելու պատճառը և այլն:
Բնագիտական փորձեր /ընտանեկան նախագծեր/
Ջրով լի բաժակի մեջ լցնումենք 1 կամ 2 ճաշի գդալ աղ, գդալով լավ խառնում ենք, այնպես , որ աղը մինչև վերջ լուծվի: Ավելացնում են սննդային ներկանյութով ջրի կաթիլներ / թեյի գդալով/ :Ավելացնելուց հետո տեսնում են ,որ ներկանյութը չլուծվեց աղաջրում :
1 բանկայի կեսը լցնենք ջրով:Հում ձուն իջեցնենք բանկայի մեջ: Այն անմիջապես կսուզվի:
2 Այնուհետև հանենք ձուն:
3. Ավելացնենք ջրի մեջ 2 ճաշի գդալ աղ և լավ խառնենք:Նույն ձուն դնենք աղով լի բանկայի մեջ և հետևենք: Քանի որ ջրի մեջ բավականին աղ կա,ապա ձուն կկախվի ջրից, չի սուզվի :
Ջրով լի բանկայում լցնում ենք աղ/ մի քանի ճաշի գդալ / , վերցնում ենք մեկ հատ մաքրած հում կարտոֆիլ : Այն իջեցնում ենք աղաջրի մեջ և կարտոֆիլը չի սուզվում ,բարձրանում է վեր :Որքան շատ ենք աղ ավելացնում ,այնքան կարտոֆիլը ավելի վեր է բարձրանում :
Ընտանեկան թթվանախագծեր
- Սովորողները հարցազրույց են վերցնում տատիկներից, մայրիկներից, թե ի՞նչ ավանդույթներ, հիշողություններ ունեն թթու դնելու հետ կապված:
- Մեր տան թթուն կամ թթուն մեր սեղանին
- Նախագծի ընթացքում կիրառվող մեթոդ — ընդհանուր հարց ու պատասխանի մեթոդ
- Ի՞նչ կլիներ ,եթե մրգերը թթու դնեին:
- Եթե լիներ այնպես, որ թթուն դրվեր քաղցրաջրում:
- Թթվային լիմերիքներ
- Ողջ նախագծի ընթացքում ռոդարիական հնարքների կիրառում, ռադիոնյութերի ստեղծում
Գնահատում
Նախագծի իրակացման արդյունքում սովորողները իմացան .
Թթվի պատրաստման եղանակը
Ինչպես աղաջուր պատրաստել
Բանջարեղենի օգտակարության մասին
Ինչպիսի՞ բանջարեղեն և մրգեր են աճում իրենց միջավայրում
Ինչո՞վ է օգտակար բանջարեղենը , նրանց օգտակարության ,վիտամինների մասին
Ամփոփումը դասարանական բլոգում